我成日話自己係破財格, 0的錢硬係要洗, 0的錢硬係放唔到入袋, 今個月我做左兩次好人, 兩次都係破左財, 咁我以為就冇事啦, 點知...又黎料
其實話說我呢排個人都好燥架la, 星期一0個日, 簡直覺得自己火氣上升, 所以咪去睇中醫囉, 0個時0的牙肉都痛痛地, 咁燥0既時侯, 牙肉痛就一0的都唔出奇, 點知第二朝起身, 我就開始發燒, 0個時都係覺得0的牙肉痛痛地, 不過發燒又有點頭暈, 我咪冇番工囉...
咁我晏小小起身時, 開始發現個口好似唔係好合得埋, 硬係有0的野阻住, 之後望一望0的牙肉, 發現我下面有隻智慧牙0既牙肉腫到好似一粒波子咁, 咁我已經好驚啦, 因為0係我舊年脫上排隻智慧牙時, 醫生話我下面兩隻係要開刀先可以脫到0既, 咁我本人好唔想開刀, 所以一路都冇理佢, 唸住好好護理佢地, 咁就免去一刀嘛...
好la, 咁0個晚間唔中見佢有0的血標出黎, 心唸希望漱下口, 食埋0的中藥, 粒波子會消失啦 (其實都係自欺欺人), 點知第二日番工, 食第一啖早餐就覺得個口怪怪地, 之後一睇, 原來0的膿係咁標出黎, 核突到呢...嗨, 慘啦, 睇黎真係要睇牙醫了...
我掙扎左一晚, 同埋呢幾晚我半夜都要起身, 係痛到起身, 所以我決定睇牙醫, 咁打去我之前個牙醫, 佢就冇時間睇, 而我本人其實覺得佢麻麻地, 所以咪問0的朋友有冇牙醫介紹囉, 點知我打去0的牙醫全部都full booking, 同埋我0的牙肉依家發緊炎都唔可以脫牙, 咁咪去左普通醫生度睇一次先囉, 醫生話我發緊炎, 但唔洗放膿, 因為我本身都自己流膿, 但叫我一定要食晒5日0既抗生素囉...
我真係好怕好怕睇牙醫架, 仲有我超怕痛, 唸起要開刀都打冷陣, 我又怕會細菌感染, 大家都知我本身抵抗力麻麻地, 以前照胃鏡都可以照到個喉嚨爛晒, 就係細菌感染, 整到我又發晒燒又食唔到野, 最緊要最緊要係我好肉痛0的錢, 一隻開刀脫0既牙係要2000蚊, 2000蚊呀, 嗚嗚.......唸起都肉痛呀......慘....
